Umuryango mutagatifu na wo wavuye mu byawo i Nazareti uhungira mu Misiri

Mu minsi ishize, Nyirubutungane Papa Fransisko yongeye ingingo eshatu mu bisingizo bya Bikira Mariya, agendeye ku bukene n’ibyifuzo by’imbaga y’abakristu ashinzwe. Izo ngingo ni izi :

– Mubyeyi w’impuhwe, udusabire
– Mubyeyi dukesha amizero, udusabire
– Buhungiro bw’abavuye mu byabo, udusabire

Nk’uko tubisanga mu ibaruwa yo kuwa 20 Kamena 2020, yanditswe na Nyiricyubahiro Karidinali Robert Sarah, Umuyobozi w’Urwego rwa Kiliziya rushinzwe Umushyikirano nyobokamana n’imitangire iboneye y’amasakaramentu (Congrégation pour le Culte divin et la discipline des sacrements), izo ngingo zivugwa mu rutonde rw’ibisingizo bya Bikira Mariya ku buryo bukurikira :

[...]
Mubyeyi w’Umukiza, udusabire
Mubyeyi wa Kiliziya, udusabire
Mubyeyi w’impuhwe, udusabire
Mubyeyi dukesha ingabire z’Imana, udusabire
Mubyeyi dukesha amizero, udusabire
Mubyeyi utagira inenge, udusabire
[...]
Mizero y’abarwayi, udusabire
Buhungiro bw’abanyabyaha, udusabire
Buhungiro bw’abavuye mu byabo, udusabire
Wowe umara intimba abayifite, udusabire
[...]

Padiri Jean-Paul MANIRIHO